Lansiwyd Llyfrgell y Pethau Celfyddydau BG - gwasanaeth cymunedol sy'n benthyca offer celfyddydau a digwyddiadau am ddim - heddiw. Mae'r gwasanaeth ar gael bob bore Mawrth o Sefydliad y Glowyr Llanhiledd ac mae'n annog rhannu i leihau gwastraff a hyrwyddo cynaliadwyedd ym Mlaenau Gwent.
Mae'r llyfrgell yn gweithredu yn Sefydliad Llanhiledd, Meadow Street, Llanhiledd, Abertyleri, NP13 2JT. Mae ar agor bob dydd Mawrth rhwng 10:30am a hanner dydd yn y caffi cymunedol. Er mwyn benthyca, bydd angen i chi greu cyfrif aelod ar-lein ar ein gwefan: Llyfrgell y Pethau Celfyddydau BG / BG Arts Library of Things neu galwch draw i'r lleoliad.
Mae'r holl eitemau yn cael eu profi ac yn cael gwiriad PAT gan wirfoddolwyr cyn iddynt gael eu benthyca, ac mae pob un yn dod gyda llawlyfr a gwybodaeth ddiogelwch. Rhaid i fenthycwyr ddefnyddio eitemau yn gyfrifol a rhoi gwybod am unrhyw ddifrod neu broblemau.
Meddai'r Cynghorydd Helen Cunningham, Dirprwy Arweinydd a’r Aelod Cabinet dros Oedolion a Chymunedau yng Nghyngor Blaenau Gwent:
"Llongyfarchiadau i Celfyddydau BG am wireddu’r prosiect hwn trwy ymdrechion cydweithredol. Bydd Llyfrgell y Pethau yn helpu trigolion i archwilio cyfleoedd ar gyfer digwyddiadau cymunedol a hobïau a lleihau gwariant ariannol mawr. Rwy'n annog trigolion i gymryd rhan a chefnogi'r fenter wych hon. Gyda'n gilydd, gallwn barhau i adeiladu cymuned fywiog a ffyniannus."
Dywedodd Cyfarwyddwr a Chyd-sylfaenydd Benthyg Cymru, Becky Harford, a fynychodd y digwyddiad:
"Nid yw'r mudiad cenedlaethol yr oeddem yn gobeithio ei gyflawni yn ymwneud â benthyca yn unig; mae'n golygu dod at ein gilydd fel cymdogion, defnyddio pob adnodd a gofalu am ein gilydd fel cymuned."
Celfyddydau BG yw'r Gwasanaeth Datblygu Celfyddydau newydd sy'n anelu at gefnogi, hyrwyddo a dathlu'r celfyddydau ym Mlaenau Gwent. Mae’r gwasanaeth yn gweithio gyda thrigolion, artistiaid a phartneriaid i greu sector celfyddydau bywiog, uchelgeisiol, llawn dychymyg yn y fwrdeistref. Mae'r gwasanaeth wedi gweithio gyda chydweithwyr cynaliadwyedd amgylcheddol yn y Cyngor ar brosiect Llyfrgell y Pethau ac wedi elwa o gyllid gan Lywodraeth Cymru.
Chwilio am gyfle gwirfoddoli?
Mae’r gwasanaeth bob amser yn chwilio am fwy o wirfoddolwyr i'w helpu i sicrhau bod pethau’n rhedeg yn esmwyth. Trwy wirfoddoli, rydych chi nid yn unig yn helpu eich cymuned ond hefyd yn cael cyfle i ddatblygu sgiliau newydd ac ehangu eich gorwelion eich hun. Rydyn ni’n cydnabod ac yn gwerthfawrogi'r rhai sydd ag ystod eang o sgiliau ymarferol a rhyngbersonol. Bydd angen tîm ymroddedig o wirfoddolwyr arnom i ddarparu a chynnal gwasanaeth dibynadwy o ansawdd uchel.
Ymunwch heddiw:
Gwefan:
E-bost: bgartslibraryofthings1@gmail.com
Rhif Ffôn: 01495 400211
